दशैं तिहारको अवसरमा मोबाइल मेला, खरिदमा हात खाली नजाने योजना

काठमाडौँ । ललितपुर मोबाइल कम्प्लेक्सले ललितपुर मलमा दशैं तिहारको अवसर पारेर चौथो मोबाइल मेला आयोजना गर्ने भएको छ । मेला यही भदौ १६ गते देखि भदौ २६ गतेसम्म आयोजना हुने कम्पनीले जनाएको छ । ललितपुर मोबाइल एक्स्पोमा ७० प्रतिशत सम्मको छुट दिईने आयोजकले जनाएको छ । ग्राहकहरुले कुनैपनि मोबाइल फोनको खरिदमा ५ देखि ७० प्रतिशतसम्मको छुट तत्काल प्राप्त गर्ने ललितपुर मोबाइल कम्प्लेक्सले जानकारी दिएको छ । ग्राहकले हरेक मोबाइलको खरिदमा हात खाली नजाने योजना अन्तर्गत पावर ब्यांक, मेमोरी कार्ड, ब्लूटूथ हेडफोन, प्रिन्टेड कप, सेल्फी स्टिक, हेडफोन, स्पीकर प्राप्त गर्नसक्नेछन् । मोबाइल कम्प्लेक्समा न्यूनतम ९ सय रुपैया देखि १ लाख ४० हजार रुपैया सम्मका विभिन्न ब्राण्डका फोनहरु उपलब्ध रहेको कम्प्लेक्सका अध्यक्ष पुरुषोत्तम बस्नेतले जानकारी दिए ।

त्यस्तै मेलामा अन्य योजना अन्तरगत स्क्रयाच अफर, एसएमएस योजना, बम्पर पुरस्कारमा बाईक उपहार, क्यासब्याक, विभिन्न देशको टूरलगायतका मोबाइल खरिदमा लागू भएका योजना पनि एकैसाथ उपलब्ध हुने कम्पनीले जनाएको छ । कम्प्लेक्समा सामसुंग, ह्वावे, जियोनी, कलर्स, आईफोन, एचटिसी, माइक्रोसफ्ट फोन, डिटिसी, ओवीआई, लाभा, सोनी, जेडटिईलगायत ब्राण्डका फोनहरु उपलब्ध रहेका छन् ।