२७ साउन, काठमाडौं । पेट्रोलियम
व्यवसायीले आन्दोलनका कार्यक्रम फिर्ता लिएका छन् । नेपाल आयल निगमले माग
सम्बोधन गर्ने आश्वासन दिएपछि व्यवसायीले आन्दोलनका कार्यक्रम फिर्ता लिएका
हुन् ।
यससँगै अब सहज रुपमा इन्धन बिक्री वितरण थाल्ने नेपाल पेट्रोलियम डिलर्स राष्ट्रिय एसोसियसनले जनाएको छ । निगमले इन्धन ढुवानी गर्दा हुने प्राविधिक नोक्सानीको क्षतिपूर्ति
बढाउने निर्णय गरेसँगै व्यवसायीले आन्दोलनका कार्यक्रम फिर्ता लिएका हुन् । बागमती पेट्रोलियम डिलर्स एसोसियसनका अध्यक्ष अच्युत खड्काले आन्दोलनका कार्यक्रम फिर्ता लिएको अनलाइनखबरलाई बताए । निगम सञ्चालक समितिले बिहीबार पेट्रोल र डिजेलको ढुवानीमा हुने
प्राविधिक नोक्सानीको क्षतिपूर्ति बढाउने निर्णय गरेको थियो । जसमध्ये
प्रति चार हजार लिटर पेट्रोलमा साविकमा दिइएको क्षतिपूर्तिलाई १० लिटरले
बढाएर ४५ लिटर र डिजेलमा साविकमा दिइँदै आएको यस्तो क्षतिपूर्तिलाई २४
लिटरबाट बढाएर २७ लिटर दिने निर्णय गरेको थियो । प्राविधिक क्षतिपूर्ति बढाउनुपर्ने भन्दै व्यवसायीले बुधबारदेखि आयल निगमबाट पेट्रोल र डिजेल खरिद नै रोकेका थिए ।
२०७४ साउन २७ गते १७:५२ मा प्रकाशित
No comments:
Post a Comment